Ақмола облысының полицейлері Көкшетау – Қостанай айналма жолында есірткі курьерін қолға түсірді, деп хабарлады Halyq Uni тілшісі.

Есірткі қылмысына қарсы іс-қимыл басқармасының қызметкерлері арнайы операция нәтижесінде a-PvP психотроптық затының таралуын тоқтатты. Есірткіні жасырын салушы жүріп келе жатқан автокөлік Көкшетау – Қостанай айналма жолында тоқтатылды. Жеке тінту кезінде жедел қызметкерлер 38 жастағы жүргізушіден салмағы 111 грамнан асатын синтетикалық есірткі пакетін тәркіледі. Аталған есірткі заты – 300 дозаға жуық, қара нарықтағы құны – 2,5 млн теңге. Полицейлер автокөлік салонынан есірткіні жасырын салуға арналған электронды таразылар, қапсырмалары бар сөмкелер және таспа тапты.

Ер адамның елордада тұратыны анықталды және ұсталудан бірнеше күн бұрын мобильді қосымша арқылы есірткі курьері болып жұмысқа орналасқан болып шықты. Куратордан алынған нұсқаулар бойынша ол жасырын салатын есірткіні Көкшетау аумағына таратуға тиіс болатын.

Осы мақсатта ол Ақмола өңірінің облыстық орталығына барған. Бұл фактіні полицейлер ҚР ҚК-нің 296-бабы 4-бөлігі («Есірткі, психотроптық заттармен, сол тектестермен өткізу мақсатынсыз заңсыз жұмыс») бойынша сотқа дейінгі тергеп-тексерудің бірыңғай тізілімінде тіркеді, – делінген хабарламада.

Жәбірленуші ұсталды және уақытша ұстау изоляторына қамауға алынды.

Айта кету керек, 2023 жылы Ақмола облысының есірткіге қарсы полицейлері заңсыз айналымнан 17 келіден астам синтетикалық есірткі тәркілеген.