Елімізден Аустралия ашық чемпионатына қатысушылар тізіміне 11 теннисші қосылды.

Жекелей сында негізгі турнирде Елена Рыбакина, Юлия Путинцева мен Александр Бублик өнер көрсетеді. Жұптық сынға Анна Данилина мен Александр Недовесов қатысады.

Аустралия ашық чемпионатының іріктеу сайыстарында Бейбіт Жұқаев пен Денис Евсеев те бақ сынайды.

Жасөспірімдер арасында Аустралия ашық чемпионатында негізгі жарыста алғаш рет Әмір Омарханов пен Асылжан Арыстанбекова кортқа шығады. Сондай-ақ іріктеу сайыстарына Даниал Рахматуллаев пен Виталий Зацепин қатысады.

Өткен жылы Аустралия ашық біріншілігінде Қазақстанның бірінші ракеткасы Елена Рыбакина финалға дейін жеткен еді.