Қазақстанның 3 облысында жолдар жабылды
Республикалық маңызы бар автожолдар желісінде 164 бірлік арнайы техника және 190 жолшы жұмыс істеп жатыр
Фото: egemen.kz
Ақмола, Қостанай және Солтүстік Қазақстан облыстарында ауа райының қолайсыздығына байланысты көлік қозғалысы шектелді, деп хабарлайды «Қазавтожол» ҰК» АҚ баспасөз қызметі
«Сағат 19.45-тегі ақпаратқа сәйкес ауа-райының күрт нашарлауына байланысты (қар, боран, көрінудің шектелуі) көлік құралдарының қозғалысы Ақмола (9), Қостанай (5), СҚО (8) облыстарындағы республикалық маңызы бар автожолдардың 22 учаскесінде шектелді», - делінген хабарламада.
Республикалық маңызы бар автожолдар желісінде 164 бірлік арнайы техника және 190 жолшы жұмыс істеп жатыр.
