«Шағын айналма автожол құрылысы» жобасын іске асыру аясында Сығанақ көшесінен Ұлы дала даңғылына дейінгі учаскеде Айтматов көшесінің құрылысы жүріп жатыр, деп хабарлады Halyq Uni тілшісі.

Елорда әкімдігінің ресми сайтының мәліметінше, кешеден бастап осы көшеде жол төсемі арқылы қозғалыс қамтамасыз етілді. Айтматов көшесі сегіз жолақты болады. Қазір қозғалыс 4 жолақ бойынша ашық: екеуі – бір жақты, екеуі – кері бағытта.

Айтматов көшесінің ашылуы қаланың жаңа бөлігіндегі Тұран даңғылына, Қабанбай батыр даңғылына, Сығанақ көшесіне, Қ.Мұхамедханов көшесіне түсетін жүктемені айтарлықтай азайтады.

Ұлы дала даңғылына шығатын Айтматов көшесінің жалғасын салу бойынша жұмыс, оның ішінде көше жарығын орнату, іргелес аумақты абаттандыру және жол қозғалысын реттейтін белгілерді толықтай орнату арқылы барлық 8 жолақта жол жүруді қамтамасыз ету 2024 жылы жалғасатын болады.

Бұған дейін елордадағы орталық көшенің біріне мажар ақынының аты берілген еді.