Павлодар облысында 40 бас жылқыны ұрлағандар іздестіріліп жатыр. Жылқылар Шарбақты ауданының Жаңаауыл маңындағы жайылымдарда қараусыз жүрген, деп хабарлады pavlodarnews.kz.

Полиция мәліметінше, Шарбақты ауданының тұрғыны полицияға хабарласып, 2023 жылдың ақпан-қараша айлары аралығында Жаңаауыл маңындағы жайылымдардан қараусыз қалған 40 бас жылқының ұрланғанын мәлімдеген.

Қазір тәртіп сақшылары аталған фактіге қатысы бар адамдарды анықтау үшін жедел іздестіру іс-шараларын жүргізіп жатыр, - деп мәлімдеді Павлодар облысының ПД баспасөз қызметі

Жыл басынан бері өңірде мал ұрлығының 49 фактісі тіркелген.