Полицейлер Түркістан облысының тұрғынынан 15 келіден астам марихуана тәркіледі, деп хабарлады Halyq Uni тілшісі.

Полиция қызметкерлерінің мәліметінше, күдіктінің үйінің ауласы мен сарайын тінту кезінде 2 түп есірткіге ұқсас өсімдік пен 20 литрлік ыдысқа салынған, құрамында есірткісі бар зат тәркіленген. Сондай-ақ 50-ден астам сіріңке қорабы мен 2 пластикалық контейнерге салынған марихуанаға ұқсас есірткі заты табылды.

Сараптамаға сәйкес, есірткі заты жалпы салмағы 15 келіден асатын марихуана болып шықты.

Бұл факті ҚР ҚК-нің 297-бабы 3-бөлігі бойынша тіркелді. Күдікті қамауға алынды. Сотқа дейінгі тергеу амалдары жүргізіліп жатыр.