22 қазанда Теміртау қаласында Қарағанды облысы ПД ұйымдасқан қылмысқа қарсы күрес басқармасының қызметкерлері қоғамдық тәртіпті бұзған жастар тобын ұстады.

Polisia.kz-тің хабарлауынша, күдіктілердің қылмысқа қатысы бар екені дәлелденген.

Қылмыстық топтарды ұстау кезінде 21 рет тінту болып, күдіктілерден шолақ ұңғылы атыс қаруы, травматикалық тапанша, оқ-дәрілер, есірткі және психотроптық заттар тәркіленді. Полиция бөліміне 21 адам жеткізіліп, 8 күдікті қамалды.

Қарағанды облыстық полиция департаментінің бастығы Санжар Әділовтің айтуынша, қазір күдіктілерге қатысты ҚР ҚК-нің бопсалау, бұзақылық және атыс қаруын сақтау баптарымен сотқа дейінгі тергеу әрекеттері жүргізіліп жатыр.