Мереке қарсаңында ұстаздарға 500 мың теңге мен шипажайға жолдама беріледі
Комиссия шешімімен 12 бағыт бойынша жеңімпаздар анықталды
Фото: Halyq Uni
Маңғыстау облысы педагогтарын көтермелеудің қосымша шараларын белгілеу жөніндегі конкурс жеңімпаздарына «Білім беру саласына қосқан үлесі үшін» төсбелгісі және 500 мың теңге көлемінде қаржылай сыйлық беріледі, деп хабарлайды mangystaumedia.kz.
Конкурсқа 12 номинация бойынша 134 құжат келіп түскен. Комиссия шешімімен 12 бағыт бойынша жеңімпаздар анықталды.
Сонымен қатар, салалық кәсіподақ атынан 12 педагогқа көтермелеу сыйлығы - шипажайға жолдама табысталады.
Жеңімпаздар мұғалімдер күніне орай өтетін салтанатты шарада марапатталады.
