Қазақстан мен Тәжікстан президенттері Астананың Бас мешітіне барды
Бас мүфти екі елдің халқына бейбітшілік пен бақ-береке тіледі
Фото: t.me/aqorda_resmi
Қазақстан мен Тәжікстан президенттері Астана қаласының Бас мешітіне барды, деп хабарлады Halyq Uni тілшісі.
Қазақстанның бас мүфтиі Наурызбай қажы Тағанұлы Құран сүрелерін оқып, екі елдің халқына бейбітшілік пен бақ-береке тіледі.
Мемлекеттер басшылары Орталық Азиядағы ең үлкен мешіттің сәулетімен танысты.
Еске сала кетсек, бұған дейін Тәжікстан президенті Эмомали Рахмон жұмыс сапарымен Астанаға келгенін хабарлаған болатынбыз.
