Елорда мектептерінің қорында 3 млн-ға жуық оқулық бар
Биыл 15 мыңнан аса көркем әдебиет сатып алынды
фото: gov.kz
Қазір елорда мектептерінің қорында 3 млн-ға жуық оқулық бар. Жаңа оқу жылына қаланың 100 мектебіне қосымша 833 330 дана оқулық пен оқу-әдістемелік құралдары сатып алынды, деп хабарлайды елорда әкімдігінің ресми сайты.
Сондай-ақ биыл қала мектептеріне жергілікті бюджет қаражаты есебінен 15 мың данадан аса көркем әдебиет сатып алынды.
Оған қоса, биыл жергілікті бюджет қаражаты есебінен 30 мыңнан аса көркем әдебиет сатып алынады.
Қазіргі таңда 98 мектептің барлық оқушысы үшін электрондық оқулықтар сатып алынды.
