«Электронды үкіметтің» ресми сайтында Құрбан айт пен Елорда күні қазақстандықтардың қалай демалатыны хабарланды.

2023 жылы Құрбан айттың бірінші күні 28 маусым – алдағы аптаның сәрсенбісіне сәйкес келеді. Қазақстан Республикасының мерекелер күнтізбесінде мұсылман күнтізбесі бойынша тойланатын Құрбан айттың бірінші күні демалыс күні деп жазылған. 6 шілдеде Астана күні тойланады. Биыл үкіметтің қаулысына сәйкес, қазақстандықтар бірден 4 күн - 6-9 шілде аралығында демалады.

2023 жылы жұмыс уақытын тиімді пайдалану мақсатында 1 шілде, сенбіден демалыс күні 7 шілде, жұмаға ауыстырылды. Сондықтан алдағы сенбі Қазақстанда жұмыс күні болады.