Қазгидромет 11 маусымда еліміздің басым бөлігінде қолайсыз ауа райы болатынын хабарлады. Синоптиктер өрт қаупі еліміздің барлық аймақтарында сақталатынын жеткізді.

9 өңірде төтенше өрт қаупі сақталып отыр:

Түркістан қаласында, Ақтөбе, Қызылорда, Алматы, Маңғыстау, Жамбыл, Абай, Ақмола, Жетісу облыстарында.

Облыстардың жекелеген учаскелерінде төтенше өрт қаупі жоғары екені байқалады:

- Атырау облысының солтүстігінде, шығысында, оңтүстігінде;

- Шығыс Қазақстан облысының солтүстігінде, солтүстік-батысында;

- Ұлытау облысының орталығында, Қарағанды өңірінің оңтүстігінде;

- Қостанай облысының оңтүстік жартысында;

- Павлодар облысының солтүстігінде.

- Батыс Қазақстан облысының шығысында, оңтүстік-шығысында өрт қаупі жоғары болады деп күтіледі.