Биыл 1 маусымда Алматы мектептерінде соңғы қоңырау өтеді. Бұл туралы қалалық білім басқармасы басшысының орынбасары Жанат Айтпаева айтты, деп хабарлады Halyq Uni тілшісі.

Салтанатты іс-шара 4, 9 және 11-сынып оқушыларының білім ордасын бітіруіне орайластырады.

Алматыда 313 мектеп, 12 мектеп-интернат, 85 техникалық және кәсіптік білім беру мекемесі бар. Онда барлығы 400 мыңнан аса оқушы мен студент білім алады.

Оқу-ағарту министрлігінің бұйрығына сәйкес, оқу жылы 2023 жылғы 31 мамырда аяқталады.

Барлық мектеп бекітілген кестеге сәйкес соңғы сабақты өткізеді. Олар оқу күнін сынып сағатымен аяқтайды. Оның мақсаты – оқу жылын қорытындылау, жазғы демалысқа балаларды әзірлеу, – деді Жанат Айтпаева өңірлік коммуникация қызметінде өткен баспасөз мәслихатында.

Оның айутынша, биыл 1 маусымда қаладағы мектептерде соңғы қоңырау өтеді.

Біз Оқу жылының аяқталуы бойынша салтанатты іс-шараны өткізуге қатысты барлық дәстүрді қолдап, мектептердің салтанатты жиын өткізу туралы шешімнің дербес қабылданатынын хабарлаймыз, - деді орынбасар.

Айта кетейік, биыл Алматыда 9-сыныпты 28 мыңнан аса оқушы, 11-сыныпты 14 мыңнан аса оқушы бітіреді.