Жартылай ауыр салмақта WBA super чемпионы Дмитрий Бивол мен Сауль Канело Альварес арасындағы қарымта жекпе-жек өтпей қалуы мүмкін.

Өйткені Биволдың менеджері Вадим Корниловтың айтуынша, ол жартылай ауыр салмақта Сауль Альваресті жеңген. Сол себепті оған екінші рет ондай жекпе-жек қызық емес. Биволдың өзі екінші орта дивизионда Альварестің барлық белбеуі үшін ғана айқасқысы келеді.

Ал Канело жақында жартылай ауыр салмақта қарымта жекпе-жектің міндетті түрде болатынын айтқан еді. Алайда Вадим Корнилов айтқандай, оған Бивол келісер емес.

Былтыр мамыр айында АҚШ-тың Лас-Вегас қаласында өткен бірінші жекпе-жекте Бивол Канелоны ұпай санымен (115:113) жеңген болатын.