Биыл жаз айларында НАТО операциялық және тактикалық деңгейде әуе жаттығуларын өткізеді. Қазір осы жаттығуларға қызу дайындық басталып кетті.

АҚШ Ұлттық гвардиясының хабарлауынша, әуе жаттығулар 12-23 маусым аралығында Германия, Чехия, Эстония мен Латвияда өтеді. Жаттығулардың көбісі негізінен ГФР-да болады.

Әскери жаттығуларға 23 түрлі үлгідегі 220-ға жуық ұшақ қатысады. Осылайша Air Defender-23 НАТО тарихындағы ең үлкен жаттығу болғалы тұр.

АҚШ Әскери-әуе күштерінің генерал-лейтенанты Майкл Лоның айтуынша, Air Defender-23 оқу-жаттығу жиыны – АҚШ пен Германияның әскери саладағы ынтымақтастығын стратегиялық тұрғыдан бір-бірімен жақындастыратын жаттығу. Сондай-ақ ол коалициялық әуе күштерінің қабілет-қарымын сынайтын болады.