Қытай АҚШ-ты елдің ішкі істеріне араласуды тоқтатуға және Тайвань әкімшілігінің басшылығымен кез келген ресми байланысын үзуге шақырады.

Осыған байланысты Қытай Қорғаныс министрлігі мәлімдеме жасады.

Қытай Халық Республикасы АҚШ-тың Тайваньмен ресми байланысының кез келген түріне үзілді-кесілді қарсы. Біз Тайвань басшылығының кез келген сылтаумен Америка Құрама Штаттарына баруына қарсымыз. Біз АҚШ-тың «Бір Қытай» қағидатының және үш бірлескен қытай-американ коммюникесінің ережелерінің бұзылуына, сондай-ақ олардың Демократиялық прогрессивті партия басшылығымен кез келген байланысына үзілді-кесілді қарсымыз, – делінген ведомствоның мәлімдемесінде.

Сонымен бірге мәлімдемеде АҚШ-ты Тайвань мәселесі бойынша Қытай алдындағы саяси міндеттемелерін бұлжытпай орындауға, ҚХР-дың  ішкі істеріне араласуды тоқтатуға және Тайваньмен ресми байланыстарды тоқтатуға шақыратыны атап өтілген.