Ердоған Түркияның тұңғыш электр көлігін иеленді
Президент Togg T10X электрокарының бүкіл әлемде танымал болатынын айтты
фото: aa.com.tr
Түрік Республикасының президенті Режеп Тайып Ердоған Түркияда жасалған алғашқы Togg T10X электрокарын иеленді. Бұл туралы Анадолы агенттігі хабарлады.
Автокөліктің кілтін тапсыру салтанаты Анкарадағы Президент кешенінде өтті.
Ердоған Togg-тың тек Түркияда ғана емес, бүкіл әлемде аса танымал болатынын айтып, сенім білдірді.
Іс-шараға Түркия президентінің зайыбы Әмина Ердоған да қатысты.
Айта кетсек, Togg T10X тұңғыш электомобилінің алғашқы сериялық моделін сатып алуға өтінім қабылдана бастағалы 177 467 алдын ала тапсырыс түскен.
