Рыбакина алғаш рет мастерс турнирінің жартылай финалына шықты
Енді теннисші финалға жолдама ашу үшін әлемнің бірінші ракеткасымен кездеседі
фото: Теннис федерациясы
Қазақстанның бірінші, әлемнің 10-ракеткасы Елена Рыбакина АҚШ-та өтіп жатқан Индиан-Уэллс WTA 1000 турнирінің жартылай финалына шықты.
Рыбакина ширек финалда әлемнің 76-ракеткасы, чехиялық Каролина Муховамен кездесті.
Қарсыластар осыған дейін 2019 жылы АҚШ ашық чемпионатында кездесіп, онда чехиялық спортшы 6:4, 6:4 есебімен жеңген еді.
Бұл жолы еліміздің бірінші ракеткасы тартысты өткен кездесуде 7:6 (7:4), 2:6, 6:4 есебімен жеңіске жетті.
Елена Рыбакина финалға шығу үшін әлемнің бірінші ракеткасы, Польша өкілі Ига Швентекпен кездеседі.
