Азия теннис федерациясы (ATF) мен Tennis Europe 14 және 16 жасқа дейінгілер арасында жаңартылған рейтингті жариялады.

Қазақстан теннис федерациясының хабарлауынша, Еуропа рейтингінде 14 жасқа дейінгілер арасында Ярослав Пшеничный 64-орынға шықты. Михаил Мищенко 114-ші, Роберт Каминский 139-сатыға орналасты.

Қыздар арасында Ева Корышева 59-орынға көтерілді. Томирис Нұржан – 173, Еркежан Жаңатаева 183-сатыда тұр.

Азия рейтингінде 16 жасқа дейінгілер арасында Кәрім Темірлан көш бастап келеді.

Қыздардан бес теннисші ТОП-10-ға кірді. Сафина Сафиулина – 2, Ариана Гогулина – 4, Даная Аманғажиева – 7, Полина Слепцова – 8 және Еркежан Жаңатаева 9-орында тұр.