Солтүстік Қазақстан облысы әкімінің бірінші орынбасары Марат Тасмағанбетов Петропавл мектебінде болған оқиғаның мән-жайын баяндап, зардап шеккен оқушылардың жай-күйінен мәлімет берді, деп хабарлайды zakon.kz.

Марат Тасмағамбетов оқыс оқиға орын алған Петропавлдағы №4 мектеп әкімшілігі шұғыл әрекетке бірден көшкен: Жедел жәрдем көлігін шақыртып, «дабыл» белгісін іске қосқан. Соның арқасында оқиға орнына күзет агенттігінің кезекші тобы 3 минутта келіп жеткен. 

«Мектеп дәрігері алғашқы медициналық көмек көрсетті. Зардап шеккендердің үшеуінің екеуі ауруханаға жатқызылды, қазіргі уақытта олар жансақтау бөлімінен жалпы палатаға ауыстырылды, кәмелетке толмағандардың жағдайы қанағаттанарлық деңгейде», - Марат Тасмағанбетов

Ол қазіргі уақытта аталған мектепте психологтар жұмыс істеп жатқанын айтты.