Украинаның Луганск облысында саяси технолог, Ресей армиясының офицері Игорь Мангушевтің басына оқ тиіп, ауыр жараланды.

Мангушевтің Telegram-арнасы хабарлағандай, Ресей офицері ауыр жараланған. Бұл ретте ол Стаханов қаласының нейрохирургия бөліміне жеткізілген көрінеді.

Айта кетсек, Игорь Мангушев – Ресейдің «Светлая Русь» қозғалысының жетекшісі. «Медуза» басылымының мәліметінше, ол – Ресейдің Украинаға басып кіру символдарының біріне айналған «Z» белгісінің авторы.

Бұған дейін Мангушев адамның бассүйегін сахнаға алып шығып, оның украин жауынгеріне тиесілі екенін айтқан еді.