АҚШ Украина әскеріне тағы 2 млрд доллардың әскери көмегін жібергелі жатыр
Қазір негізгі шайқас Донецк облысының Бахмут, Авдеевка қалалары үшін жүріп жатыр
фото: kostanews.ru
Америка Құрама Штаттары Украина үшін тағы 2 миллиард доллардың әскери көмегін әзірлеп жатыр, деп хабарлады Рейтер агенттігі.
Мәліметке сүйенсек, жаңа пакетке 150 шақырымға жететін зымырандар, оқ-дәрілер және өзге де қару кіреді.
Айта кетсек, қазір негізгі шайқас Донецк облысының Бахмут, Авдеевка қалалары үшін жүріп жатыр.
Бұған дейін Ресей армиясы Благодатное ауылын басып алып, Бахмуттың солтүстігінен 5 шақырым жердегі негізгі жолдардың біріне жеткені хабарланған еді. Алайда Украина әскери қолбасшылығы бұл ақпаратқа қатысты әзірге мәлімдеме жасаған жоқ.
