×

Қазақстан мен АҚШ бірлескен мәлімдеме жасады

Екі ел арасындағы диалогтың келесі кезеңі 2024 жылы Астанада өтетін болды

 Халық үні 25.01.2023 | 10:17
фото: СІМ баспасөз қызметі

Вашингтон қаласында ҚР президенті әкімшілігі басшысының орынбасары – Президенттің халықаралық ынтымақтастық жөніндегі арнаулы өкілі Ержан Қазыхан және АҚШ мемлекет хатшысының азаматтық қауіпсіздік, демократия және адам құқықтары мәселелері жөніндегі орынбасары Узра Зеяның тең төрағалығымен Қазақстан мен АҚШ Адам құқықтары мен демократиялық реформалар жөніндегі жоғары деңгейдегі жыл сайынғы диалогтың екінші отырысын өткізді.

Тараптар ҚР президенті Қасым-Жомарт Тоқаевтың саяси жүйені одан әрі демократияландыру және адам мен азамат құқықтарының конституциялық кепілдіктерін нығайту жөніндегі бағдарламасын іске асыру барысын талқылады. Америкалық тарап ҚР президентінің реформаларын жүзеге асыруды толық қолдайтынын тағы да растады.

Кездесу қорытындысы бойынша тараптар адам құқықтары саласындағы нәтижелі өзара іс-қимылды жалғастыру бойынша ниетін құптады және бірлескен мәлімдемені қабылдады.

Қазақстан мен АҚШ заң үстемдігін, тиісті демократиялық басқаруды және адам құқықтарын ілгерілету үшін өзара мүдделер мен ортақ құндылықтарға негізделген ынтымақтастыққа берік ұстанымдарын тағы да білдірді. АҚШ Қазақстан халқының игілігі үшін жалпы адам құқықтары мен демократиялық принциптер мен институттарға негізделген президент Қасым-Жомарт Тоқаевтың кең ауқымды саяси және әлеуметтік-экономикалық реформаларын толықтай жүзеге асыруды табанды түрде қолдайтынына ерекше көңіл аударды.

Жоғары деңгейдегі делегациялар бірқатар негізгі мәселелерді талқылады, оның ішінде саяси реформалардың күн тәртібі, сот және құқық қорғау органдары реформалары, жұмысшылардың құқықтары, әйелдердің экомикалық қауіпсіздігі мен құқықтарын нығайту, соның ішінде гендерлік зорлық-зомбылықтың алдын алу және оған қарсы іс-қимыл бойынша одан әрі ілгерілеу мен серіктестік; адам құқықтары, соның ішінде мүмкіндіктері шектеулі жандардың құқықтары; заңсыз шығарылған активтерді қайтару; сыбайлас жемқорлықпен және адам саудасымен күресу. Кездесу барысында өзара тиімді өзара іс-қимылға негізделген көпжақты ынтымақтастық, оның ішінде БҰҰ-ның Адам құқықтары жөніндегі кеңесі арқылы да қарастырылды.

Қатысушылар диалогтың келесі кезеңін 2024 жылы Астанада өткізу туралы шешім қабылдады.

Серіктес жаңалықтары

Сараптама

«Масқара»: Ұлдары органда істейтін қария қарттар үйін паналауға мәжбүр

Үш ұл, бір қызды тәрбиелеген қарт перзенттерінен қайыр жоқ екенін алға тартады
05.02.2023 | 08:40

Дәрігер қатерлі ісіктің негізгі себептерін айтты

Қатерлі ісікке уайым-қайғы да үлкен себеп болады
05.02.2023 | 07:30

Күләш Бәйсейітованың қызы өмірден озды

 83 жасына қараған шағында өмірден өтті. 
05.02.2023 | 06:56

«Елестермен шай ішеміз»: Астанада зират үстіне салынған үйлердің бары рас па?

Мұндай әңгімелер тұрғындардың үйлерін сатуға кедергі 
04.02.2023 | 23:41