Алматыда автобус пен троллейбус соқтығысып, 20 жастағы қыз зардап шекті, деп хабарлады Halyq Uni тілшісі.

Алматы қалалық ПД Анықтау басқармасының бастығы Олжас Шәріповтің айтуынша, жол апаты бүгін сағат 14:20 шамасында Жандосов көшесі бойында болған.

«Yutong» маркалы автобустың жүргізушісі Жандосов көшесімен батыс бағытта келе жатып, арақашықтықты сақтамау салдарынан алдында келе жатқан троллейбусты соққан. Жол апаты салдарынан автобус жолаушысы – 2002 жылы туған қыз дене жарақатын алды. Оған медициналық көмек көрсетілді, - деді Олжас Шәріпов.

Аталған материалды Әуезов аудандық полиция басқармасы өндіріске қабылдады.

Еске сала кетсек, бұған дейін Алматыда екі автобус соқтығысып, соның салдарынан 1 адам көз жұмып, 15 адам зардап шеккенін хабарлаған болатынбыз. Аталған жол апатына қатысы бар жүргізуші қамауға алынды.