Елжан Біртанов пен Олжас Әбішевке сот үкімі 28 қазанында шықты
Бұрынғы денсаулық сақтау министрі Елжан Біртановтың адвокаттары сотқа апелляциялық шағым түсірді. Бұл туралы Біртановтың адвокаттарының бірі Нұрлан Бейсекеев Halyq Uni тілшісіне мәлімдеді.
Үкімді соттан 4 қараша кешке алдық. Қысқа апелляциялық шағым түсірдік. Бірақ бұл соңы емес. Тек екі қорғаушы шағым түсірді, - деді Нұрлан Бейсекеев.
Айтуынша, Елжан Біртановтың адвокаттары тағы да шағым түсіреді.
2022 жылдың 28 қазанында сот шешімімен Елжан Біртанов 5 жылға, Олжас Әбішев 4 жылға бас бостандығынан шектеу жазасына кесілді.
«Сот Елжан Біртановты қылмыстық кодекстің 361-бабы 3-бөлігі бойынша санитарлық авиация ұшағын қолданғаны үшін кінәсіз деп таныды. Елжан Біртанов пен Олжас Әбішевті қылмыстық кодекстің 361-бабы 4-бөлігі 3-тармағы бойынша кінәлі деп танып, Біртановты 5 жылға бас бостандығын шектеуге, Олжас Әбішевке 4 жылға бас бостандығын шектеу туралы үкім шығарды», - делінген сот үкімінде.
Оларға пробациялық бақылау қойылады. Сондай-ақ екеуі де өмір бойына мемлекеттік қызметте жұмыс істеу құқығынан айырылды. Сондай-ақ Олжас Әбішев жазаның негізгі бөлігін өтегенше жыл сайын 100 сағат мәжбүрлі еңбекке жұмысқа тартылады.