Ақтөбе облысында қоқыс полигонынан пакетке салынған нәрестенің денесі табылды деп хабарлады Halyq Uni тілшісі.

Полиция қызметкерлерінің мәліметінше, 23 қазан күні Қарғалы ауданы полициясының кезекші бөліміне Бадамша ауылы маңы «Рождество – Дөң» тас жолының бойында орналасқан қоқыс полигонында қара полиэтилен пакетке салынған нәрестенің денесі табылғаны туралы хабарлама келіп түскен. Оқиға орнына жедел-тергеу тобы жіберілді.

Аталған дерек бойынша Қазақстан Республикасы Қылмыстық кодексінің 100-бабымен («Жаңа туған нәрестені анасының өлтіруі») сотқа дейінгі тергеу амалдары басталып, баланың анасын анықтау бойынша жедел іс-шаралар жүргізіліп жатыр.