Дзюдодан Парижде өтіп жатқан Grand Slam турнирінде қазақстандық Айгерім Әбілқадырова спортқа жат әрекетімен көзге түсті.

52 келі салмақта сынға түскен Айгерім бірінші айналымда бельгиялық Шарлин ван Сникке есе жіберіп алды. Ол дзюдода өте қиын саналатын қылғындыру әдісіне түсіп қалған.

Айгерім ауыртатын әдіске түсіп, шамасы, бельгиялықты тістеп алған сияқты. Бұл Париждегі «Үлкен дулыға» турнирінде болды, - деп жазды «Спорт Шредингера» Telegram арнасы.

Айта кетсек, Айгерім Әбілқадырова дзюдодан 11 дүркін Қазақстан чемпионы және грепплингтен Азия, әлем чемпионы атанған. Жарақатына байланысты спорттан үзіліс алып, «Мисс Еуропа» атағын иеленген. Қазір ол ел чемпионатында жеңіске жетіп, ұлттық құрамаға қайта оралды.