Қытай автоөндірушілері қауымдастығының мәліметінше, 2023 жылы ол елдің автокөлік экспорты тұңғыш рет Жапонияны басып озып, әлемде 1-орынға шыққан. Бұл туралы Қытайдың «Жэньминь жибао» порталы мәлім етті.

Қытайлық БАҚ-тың дерегінше, биыл 31 қаңтарда Жапонияның автоөндірушілері қауымдастығы 2023 жылы жапондық автокөлік экспорты туралы деректерді жариялаған. Соған сүйенсек, 2023 жылы жапондық автокөлік экспорты 4,42 миллион көліктен асқан.

Бұған дейін Қытай автокөлік өндірушілері қауымдастығының деректері өздерінің автокөлік экспорты 2023 жылы 4,91 миллион дана болғанын көрсеткен. Бұл Қытай автокөлік экспортында алғаш рет Жапонияны басып озып, әлемдегі ең ірі автокөлік экспорттаушы болды дегенді білдіреді, - деп жазды «Жэньминь жибао».