Ресейдің Visa және Mastercard карталары ел ішінде ғана жарамды. Бұл туралы Ресей Орталық банкі мәлімдеді.

Ресей банктері шығарған Visa және Mastercard халықаралық төлем жүйелерінің бүкіл картасы олардың қолдану мерзімі аяқталғанға дейін Ресей аумағында қалыпты режимде жұмыс істей береді. Олар бойынша операциялар ел ішінде Төлем карталарының ұлттық жүйесінде жүзеге асады және оларға санкция ықпал етпейді. Осы карталарға байланған шоттағы қаражат толық сақталады және кез келген уақытта қолжетімді, - деді Ресей Орталық банкі.

Ресей Орталық банкі Visa және Mastercard карталары бойынша трансшекаралық операциялар қолжетімсіз екенін ескертті.

Атап өтсек, қазір Ресей және Украина арасында қарулы қақтығыс болып жатыр. Жуырда Путин Донбасстағы арнайы әскери операция туралы мәлімдеді. Кейін Украина және Ресей кейбір секторда қақтығысты тоқтатуға келісті. Көптеген ел Ресейге қарсы санкциялар енгізді.