Кеше Алматы қаласының тұрғынынан 1988 жылы туған әпкесі В.В.Солдатованың жоғалып кеткендігі туралы арыз түсті. Бұл туралы жергілікті полиция департаментінің баспасөз қызметі хабарлады.

Арызданушының айтуынша, 17 қыркүйек күні сағат 10:00 шамасында В.В.Солдатова үйден шығып кетіп, қайта оралмаған. Арызданушының түсіндіруінше, әпкесі өзінің жігітіне тауға баратынын айтқан, сәлден соң жігітке өзін өрмекші шағып алғаны туралы жазған.

Іздестіру іс-шаралары барысында таулы аймақта өзен бойынан В.В.Солдатованың денесі табылды. Мәйітте зорлық-зомбылық белгілері жоқ, – делінген хабарламада.

Өлімнің себебін анықтау үшін сот-медициналық сараптама тағайындалды.

Тергеу барысы Ішкі істер министрлігі мен Алматы қалалық Полиция департаменті басшылығының бақылауында.