Ақтөбе облысында ондаған көлік жол апатына ұшырады
Автокөліктер қирап, бір адам зардап шекті
фото: polisia.kz
13 ақпанда сағат 11:00 шамасында «Самара-Шымкент» жолының 619 шақырымында бірнеше көлік бір-біріне соғылды.
Автокөлік таситын Reno жүргізушісі жолдың тайғақ бөлігінде метеорологиялық жағдайды ескермей, алда келе жатқан көлік тиеген Reno жүк автокөлігіне соқтығысты. Reno автотасымалдаушысы соққыдан қозғалыс бағытын өзгертіп, қарсы бағытта келе жатқан Mercedes жүк көлігіне соғылды, – дейді полиция.
Апат салдарынан Mercedes жүргізушісі түрлі дене жарақатымен Хромтау қаласының орталық ауруханасына жатқызылды. Қазір жол апаты фактісі бойынша тергеу жүріп жатыр.
