Зиратқа жасырылған қару-жарақты Көкшетау қаласы полиция басқармасының қызметкерлері тапқан. Бірқатар атыс қаруы Щучинск қаласы бағытындағы мұсылман зираты аумағынан анықталып отыр.

«НЦ-12» маркалы тегіс ұңғылы аңшылық мылтық, «Сайга-410» маркалы тегіс ұңғылы мылтық, 36 және 9 калибрлі оқтар тәркіленді. Табылған мылтықтар мен оқтар сараптамаға жіберілді, — делінген полиция хабарламасында.

Сонымен қатар тексеру барысында қару-жарақ иесінің кім екені анықталды. Ол 48 жастағы Солтүстік Қазақстан облысының тұрғыны болып шықты. Ер адам 2015 жылы полицияға қарудың жоғалғаны туралы өтінішпен жүгінген.