Димаш Құдайберген өте талантты, дарынды әнші. Димаштың әлемнің кез келген жерінде тыңдарманы бар. Ресейде Димашқа деген көзқарас біржақты емес. Бұл туралы Caravan.kz медиа порталы жазды. 

Құдай сүйген әнші

Бір жыл бұрын желі қолданушылары Ресейдің танымал эстрада әншісі Лариса Долинадан Димаш туралы сұрады. Әнші ойланбастан: 

«Димаш шексіз талантты, Құдай сүйген. Жасы ұлғайған сайын, ол тәжірибе жинайды, шаршайды және жаңа рухани және жүрек ноталары пайда болады деп ойлаймын...», — деді ол.

Белгілі ресейлік әнші Валерия Димаш Құдайбергеннің жетістігі туралы жылы лебізін білдірді.

«Димаш Қытайда сәтті бастады және де табысты осында экспорттадық деп айтуға болады. Дарынды жас, ерекше дауысы бар», - деді Валерия. 

Димаштан барлық ресейлік әртістер бас тартты ма?

Біздің отандасымыз Игорь Крутоймен тығыз жұмыс істеп, орыс сахнасын бағындырғаннан кейін, ондағы жұлдыздар оның жұмысын мұқият қадағалай бастады. Олардың көпшілігі қазақстандықтың таланты туралы мақтанышпен айтты, ал одан да көп адам оның әлеуметтік желілердегі табыстары мен жетістіктерін бақылап отырды және үнемі өз пікірлерін білдіріп отырды.

Алайда, медиада Димаштың Крутой мырзамен қарым-қатынасының бұзылуы туралы қауесеттер пайда бола бастағаннан кейін, ресейлік эстраданың барлық атақты адамдары әлеуметтік желілерде қазақстандықтан жаппай оқырман болуынан бас тарта бастады. Олардың қатарында Филипп Киркоров, Николай Басков, Лариса Долина, Стас Пиеха, Юлия Савичева, Полина Гагарина, Доминик Джокер және т.б. бар.

Кейбір ресейлік БАҚ осылайша «ресейлік жұлдыздар Димаш Құдайбергеннен бас тартты» деп мәлімдеген. Дегенмен, бұл жаңалық қандай да бір қауесет болған сыңайлы.

Димаш Ресейдің оған қандай жақсылық жасағанын ұмытып кетті

Globalmsk.ru басылымы Крутой көптеген талантты орындаушылардың жолын ашқанын жазады. Ол оларға тек сахнаға жолдама ғана емес, сонымен бірге хитке айналатын әндерін де берді. Оның жаңа «фавориттерінің» бірі қазақстандық әнші Димаш Құдайбергенов болғанын жазды.

«Алайда, жас орындаушы Игорь Крутой мен Ресейдің оған қаншалықты жақсылық жасағанын ұмытып кетті. Келесі концерттік турына ол Ресейдің бірде бір қаласын қоспаған. Ол «арнайы әскери операция» (Украиндағы соғыс) туралы ешқандай пікір білдірмеді. Бірақ, ресейлік журналистердің пікірінше бұл русофобия (орыстарды жек көрушілік) болып саналады екен.

Танымал продюсер Дмитрий Ашуров журналистердің пікірін қолдайды. Ол көрші елдердің көптеген орындаушылары ресейлік әріптестерінің олар үшін қаншалықты көп істегенін ұмытып кеткенін атап өтті. Димаш өз отандастарынан бөлінгісі келмеді, сондықтан олардың русофобиялық ұстанымын қолдауға шешім қабылдады. Ашуров Қазақстан әрдайым Ресейден көмек сұрап, қиын уақытта батыс жағына шыққанына өкініш білдірді», - делінген басылымда.