Елордада интернет арқылы психотропты заттарды сатумен айналысқан ер адам ұсталды. Бұл турлаы Ұлттық қауіпсіздік комитетінің баспасөз қызметі хабарлады.

2022 жылғы 26 шілдеде ҰҚК Нұр-Сұлтан қаласы бойынша департаменті аса ірі көлемдегі психотропты заттарды сатуға қатысы бар күдікті «А» есімді елордалық тұрғынды ұстады. Процессуалдық іс-шара барысында заңсыз айналымнан 1,5 кг «мефедрон», 1,4 кг «альфа-PVP» және 659 таблетка МДМА («экстази» деп айтылатын) тәркіленді, – делінген хабарламада.

Тергеу барысында күдікті есірткіні астанамыздың орталығында жалдамалы пәтерде орап, Интернет онлайн алаңы арқылы тұрақты түрде сатып отырғаны анықталды.

Аталған факті бойынша ҚР ҚК 297-бабы 3-бөлігі бойынша тергеу жүргізіліп жатыр.

Күдікті 15 жылға дейінгі мерзімге бас бостандығынан айырылуы мүмкін.