Елімізде бір күнде 3 мыңнан аса адамнан коронавирус анықталды

Қазақстанда коронавирус жұқтырғандар саны артып жатыр, деп хабарлайды Денсаулық сақтау министрлігі.

Өткен тәулікте коронавирус жұқтырған 3175 дерек тіркелді:

• Нұр-Сұлтанда – 915,
• Алматыда – 767,
• Шымкентте – 127,
• Ақмола облысында – 104,
• Ақтөбе облысында – 47,
• Алматы облысында – 92,
• Жетісу облысында – 123,
• Атырау облысында – 73,
• Шығыс Қазақстан облысында – 27,
• Абай облысында – 48,
• Жамбыл облысында – 94,
• Батыс Қазақстан облысында – 56,
• Қарағанды облысында – 355,
• Ұлытау облысында – 30,
• Қостанай облысында – 59,
• Қызылорда облысында – 81,
• Маңғыстау облысында – 40,
• Павлодар облысында – 66,
• Солтүстік Қазақстан облысында – 41,
• Түркістан облысында – 30.

Осылайша, елімізде коронавирус инфекциясын жұқтырғандар саны 1 млн 341 мың 265-ке жетті. 

Сондай-ақ 1409 адам коронавирустан айықты:

• Нұр-Сұлтанда – 565,
• Алматыда – 647,
• Алматы облысында – 9,
• Жетісу облысында – 53,
• Атырау облысында – 12,
• Абай облысында – 16,
• Жамбыл облысында – 19,
• Қарағанды облысында – 32,
• Қызылорда облысында – 19,
• Маңғыстау облысында – 23,
• Павлодар облысында – 3,
• Түркістан облысында – 11.

Елімізде барлығы 1 млн 305 мың 43 адам COVID-19-дан емделіп, сауығып шықты.

28 шілдедегі мәлімет бойынша 22 748 адам коронавирустан емделуде.

Оның ішінде 1 371 пациент стационарда, 21 377 науқас амбулаториялық деңгейде ем қабылдауда. 25 адамның жағдайы ауыр, 14 пациенттің жағдайы өте ауыр, 7 науқас өкпені жасанды желдету аппаратына қосылған, - деп жазылған хабарламада.

Қазақстан өңірлеріндегі эпидемиологиялық ахуалды бағалау матрицасы төмендегідей:

• «Қызыл» аймақта тұрған аймақ жоқ;
• «Сары» аймақта: Нұр-Сұлтан қаласы.
• «Жасыл» аймақта: Алматы, Шымкент қалалары, Алматы, Ақтөбе, Атырау, Ақмола, Абай, Батыс Қазақстан,  Шығыс Қазақстан, Жамбыл, Жетісу, Қарағанды, Қостанай, Қызылорда, Маңғыстау, Ұлытау, Солтүстік Қазақстан, Павлодар, Түркістан облыстары.

Айта кетейік, кеше COVID-19 жұқтырған 2 бала өте ауыр халде жатқаны хабарланған еді.

Сондай-ақ Қазақстанның бас санитар дәрігері өңірлер «қызыл» аймаққа өтсе, қатаң карантин енгізілетінін атап өткен.

Жыл басынан бері коронавирустан 800-ге жуық адам көз жұмған.