×

Қазақстан терроризмді қаржыландыратындармен күресті күшейтпек

Құжат аясында қолданыстағы 12 заң мен 4 кодекске өзгеріс пен толықтырулар енгізіледі

 Дәурен Ерболат 28.06.2022 | 11:56
Фото: freedom house

Сенаттың жалпы отырысында қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл қызметінің тиімділігін күшейтуді көздейтін заң жобасы қабылданды, деп хабарлайды Halyq Uni тілшісі.

Жиында «Қазақстанның кейбір заңнамалық актілеріне қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл, сондай-ақ мемлекеттік баға реттеу мәселелері бойынша өзгерістер мен толықтырулар енгізу туралы» заңы екі оқылымда қаралып, қабылданды.

Сондай-ақ сенаторлар «Әкімшілік құқық бұзушылық туралы кодексіне қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл мәселелері бойынша өзгерістер мен толықтырулар енгізу туралы» ілеспе құжатты да қабылдады.

Заң жобалары қылмыстық жолмен алынған кірістерді жылыстатуға және терроризмді қаржыландыруға қарсы іс-қимыл туралы заңнаманы, аталған саладағы ұлттық заңнамалық жүйені нығайтуды көздейді.

Депутат Сұлтанбек Мәкежановтың айтуынша, құжат аясында қолданыстағы 12 заң мен 4 кодекске өзгеріс пен толықтырулар енгізіледі.

Біріншіден, кірістерді жылыстатуға және терроризмді қаржыландыруға қарсы іс-қимыл туралы заңнамаға шет мемлекеттің заңнамасына сәйкес құрылған трастарға немесе басқа да корпоративтік құрылымдарға жауапкершілік енгізілді, - деді сенатор.

Ол қылмыстық кірістерді жылыстатқаны үшін заңды тұлғалардың жауапкершілігін енгізу ұсынылғанын атап өтті.

Терроризмді қаржыландыруға қатысы бар адамдарды және терроризмге әрекет ететін адамдарға тыйым салу шараларын қолданатын өзгертулер енгізілді. Заң жобасында қаржы мониторингі органдарының лауазымды адамдарына тиісті әкімшілік құқық бұзушылық хаттамаларын толтыру өкілеттігі берілді, - деді Сұлтанбек Мәкежанов.

Серіктес жаңалықтары

Сараптама

Президент Үкіметке Түркияға шұғыл көмек ретінде 1 млн доллар бөлуді тапсырды

Соңғы мәліметке қарағанда, бүгін түнде Анадолы елінде тағы 4 балдық жер сілкінісі болды
08.02.2023 | 08:55

Түркиядағы жер сілкінісінен волейболшы ерлі-зайыпты қайтыс болды

Түркияның Кахраманмараш қаласындағы жер сілкінісі салдарынан волейболшы Бетюль Чобан Чакыр мен оның жолдасы Бедреддин Чакыр қаза тапты
08.02.2023 | 08:40

Түркияда тағы да жер сілкінісі болды: соңғы мәліметтер жарияланды

Бүгін жергілікті уақытпен түнгі сағат 03:22 Түркияда тағы да 4 балдық жер сілкінісі болды
08.02.2023 | 07:50

Түркияда үйінді астынан кішкентай қыз 7 сағаттан соң еңбектеп шықты

Кішкентай қыздың құтқарушыларға қарай еңбектеп келе жатқаны видеоға түсірілген
08.02.2023 | 06:45