×

Әнші Шатуновтың қазасы: диспетчер жедел жәрдем шақырудан бас тартқан

Ол науқасты емханаға әкелетін көліктің жоқтығын айтқан

 Дастан Жұмабекұлы 24.06.2022 | 09:16
фото: politeka.net

Кеше 48 жасында жүрек талмасынан қайтыс болған «Ласковый май» тобының солисі, ресейлік әнші Юрий Шатуновқа емхананың диспетчерінің жедел жәрдем шақырудан бас тартқаны белгілі болды.

Әншінің достарының айтуынша, олар түнгі сағат 23.27-де диспетчерге хабарласып, Шатуновтың жүрегінің ауырып жатқанын, дереу медициналық жәрдем керектігін айтқан көрінеді. Оған телефонның ар жағындағы диспетчер науқасты емханаға әкелетін көліктің жоқтығын ескерткен.

Бұл жерде диспетчердің қателігі, жедел жәрдем машинасын жібермегені өз алдына, ол тіпті, науқастың жағдайын сұрамаған. Соның салғырттығынан әншінің достары Шатуновты өздерінің көлігімен жақын маңдағы Растуново ауылындағы ауруханаға алып келген. Ол жерде де дәрігерлер «Ласковый май» тобының солисін шамамен 10 минут қарағанда әнші кеудесінің ауырып тұрғанын айтып үлгерген. Осыдан кейін оған алғашқы медициналық көмек көрсетілгенімен, оның жағдайы күрт нашарлаған соң дәрігерлер жансақтау тобын шақырған.

Жедел жәрдем Юрий Шатуновты Домодедово ауруханасына жеткізген. Сағат 00.20-да ол жансақтау бөліміне жеткізілгенімен, дәл сол кезде әншінің жүрегі тоқтап қалған. Дәрігерлер Шатуновты қайта тірілтпек болғанымен, оны аман алып қала алмаған.

Қолда бар деректерге қарағанда, Юрий Шатунов пен Андрей Разин «Ласковый май» тобының хит әндері үшін соттасыпты. Сотта Шатунов жеңген. Аузын ашса ар жағынан жүрегі көрінетін әншінің денсаулығы соған (сот процестеріне) шыдамаған сияқты.

Серіктес жаңалықтары

Сараптама

«Бейнекамераға түсірмеуді өтінді»: Атырауға бір топ ресейлік келді

Пойыздан түскендердің ішінде астрахандық қазақтар да бар: 
25.09.2022 | 07:40

Алматылық әйелдің шотынан 5 мың доллар шешіп алған екі жігіт видеоға түсіп қалған

Банк қызметкерлері әйелге хабарласып, шотынан 5 мың доллардан астам қаражат шешілгенін айтқан
25.09.2022 | 06:30

Синоптиктер келесі аптада елордада қар түсетінін хабарлады

29 және 30 қыркүйекте күндіз 8 градусқа дейін жылынады, түнде алғашқы аяз түседі
25.09.2022 | 00:33

Мобилизациядан жалтарған ресейліктер Қазақстанның қай өңірлеріне жаппай келіп жатқаны белгілі болды

Ең көп жиналу Ақтөбе, Атырау, Батыс Қазақстан және Қостанай облыстарында байқалады
24.09.2022 | 23:45