×

Қазақ ғалымы қымыз бен саумалға патент алды

Петент алуға үш жыл уақыт кеткен

 Айнұр Шошаева 13.06.2022 | 11:04
коллаж: Halyq Uni

Қазақстандық кәсіпкер-ғалым, қазақ-неміс «Қымыз» ғылыми-зерттеу институтының директоры Айтуған Мұқашев капсуладағы қымыз бен саумалға патент алды, деп хабарлайды Halyq Uni тілшісі.

Қазақстанда капсуладағы қымыз бен саумал сатып жүрген компаниялар көп. Алайда бұған дейін олардың ішінде патент алғаны жоқ.

«Олар басында менен алып сатып жүрген. Қазір қайдан алып сатып жатқандарын білмеймін. Себебі мен бастапқыда өзім сатқан жоқпын, сертификат жасап желілік компанияларға бердім. Қарасам олардың қатары көбейіп кетіпті, патент алдым. Патенттелмеген дүниені халық өзі тексеріп көрсін. Өйткені оларда зауыт жоқ. Басқа компаниялар нені сатып жүргенін дәлелдеп берсін», - дейді кәсіпкер.

Сондай-ақ кәсіпкер қымыздан жасалған сусабын мен сабынға да патент алды. Жалпы, өндірісті жолға қою үшін 20 жыл жұмыс істегенін айтады.

Қазір бізде сатудың жаңа жолы қойылып жатыр. Өнімдерімізді Қазақстаннан бөлек, Ресей, Англия, Германия, Франция, Қытайдан алып жатыр. Арнайы бір мемлекеттерге экспортқа шығарған жоқпыз. Интернетте болғаннан кейін кім қалай көреді, тапсырыс беріп алып жатады, - деп қосты ғалым.

Оның айтуынша, патент алу үшін үш жыл уақыт кеткен.

«Саумал, қымыз, сусабын мен сабынға алдым. Енді тағы 6-7 өнімге беріп қойдым. Бірақ бұл патентті алу үшін үш жылдай уақыт кетіп қалды. Өте көп қиындықтар болды. Мәселен, патенттік бюрода ғылымнан хабары жоқ, институтты кеше бітірген адамдар отыр», - деп қорытындылады Айтуған Мұқашев.

Серіктес жаңалықтары

Сараптама

«Бейнекамераға түсірмеуді өтінді»: Атырауға бір топ ресейлік келді

Пойыздан түскендердің ішінде астрахандық қазақтар да бар: 
25.09.2022 | 07:40

Алматылық әйелдің шотынан 5 мың доллар шешіп алған екі жігіт видеоға түсіп қалған

Банк қызметкерлері әйелге хабарласып, шотынан 5 мың доллардан астам қаражат шешілгенін айтқан
25.09.2022 | 06:30

Синоптиктер келесі аптада елордада қар түсетінін хабарлады

29 және 30 қыркүйекте күндіз 8 градусқа дейін жылынады, түнде алғашқы аяз түседі
25.09.2022 | 00:33

Мобилизациядан жалтарған ресейліктер Қазақстанның қай өңірлеріне жаппай келіп жатқаны белгілі болды

Ең көп жиналу Ақтөбе, Атырау, Батыс Қазақстан және Қостанай облыстарында байқалады
24.09.2022 | 23:45