×

Президент жарлығы күшіне енді: Қазақстанда жаңадан үш облыс құрылды

Енді елімізде ресми түрде 17 облыс және үш мегаполис бар

 Ербол Тұрымбет 08.06.2022 | 09:33
коллаж: Halyq Uni

Бүгін, 8 маусымда ҚР президентінің 3 жаңа өңірді құру туралы жарлығы күшіне енді. Енді елімізде ресми түрде 17 облыс және үш мегаполис бар.

4 мамырда ҚР президенті Қазақстанда жаңадан үш облыс құру туралы жарлыққа қол қойды.

Алматы облысының әкімшілік орталығы Талдықорған қаласынан Қонаев қаласына көшірілді.

Жаңадан құрылатын Жетісу облысының аумағында 352 елді мекені бар 8 аудан және 2 қала, Алматы облысының аумағының құрамында 380 елді мекені бар 9 аудан және 1 қала болады.

Мемлекет басшысының жарлығымен Шығыс Қазақстан облысы Тарбағатай ауданының әкімшілік орталығы ШҚО Тарбағатай ауданының Ақсуат ауылынан Ақжар ауылына көшірілді.

Шығыс Қазақстан облысының құрамында екі аудан құрылды:

  • Тарбағатай ауданының құрамынан бөлу жолымен әкімшілік орталығы Ақсуат ауылында орналасатын Ақсуат ауданы;
  • Көкпекті ауданының құрамынан бөлу жолымен әкімшілік орталығы Самар ауылында орналасатын Самар ауданы құрылды.

Еске салайық, бұрынғы Семей аймағында Абай облысын құрылды. Семей қаласы жаңа облыстың орталығы болады.

ШҚО облысының аумағы 97,8 мың шаршы метр болады: құрамында 9 аудан және 2 қала (Өскемен, Риддер) қалса, Абай облысының аумағы 185,5 мың шаршы метрді құрайды: құрамына 8 аудан және 2 қала (Семей және Курчатов) кіреді.

Атап айтқанда, ШҚО аумағында Өскемен, Риддер қалалары, Глубокое, Зайсан, Катонқарағай, Күршім, Самар, Тарбағатай, Ұлан, Шемонаиха, Алтай аудандары болады.

Абай облысында: Семей, Курчатов қалалары, Абай, Аягөз, Ақсуат, Бесқарағай, Бородулиха, Жарма, Көкпекті, Үржар аудандары.

Қарағанды облысының құрамынан Жаңаарқа, Ұлытау аудандарын, Жезқазған, Қаражал және Сәтбаев қалаларын бөлу жолымен әкімшілік орталығы Жезқазған қаласында орналасатын Ұлытау облысы құрылды. Жаңадан құрылатын Ұлытау облысына Жезқазған, Сәтпаев, Қаражал қалалары және Жаңаарқа мен Ұлытау аудандары кіреді. Облыс орталығы - Жезқазған қаласы.

Қарағанды облысының құрамында Ақтоғай, Абай, Бұқар жырау, Қарқаралы, Нұра, Осакаров, Шет аудандары мен Қарағанды (облыс орталығы), Балқаш, Саран, Теміртау, Шахтинск, Приозерск қалалары қалады.

Серіктес жаңалықтары

Сараптама

Желіде Қарағандыда болған атыстың видеосы тарады

27 жастағы күдікті ұсталды
24.09.2022 | 21:48

«Ішінде бірде-бір орыс жоқ»: Астрахань облысында қазақтарды соғысқа аттандырып жатыр

Видео авторының айтуынша, әскери жұмылдыруға алынған азаматтардың басым бөлігі қазақтар  
24.09.2022 | 19:50