Алматы облысының Жамбыл ауданына қарасты Таран ауылдық округінде ер адамнан таяқ жеген балаларға қатысты тың ақпарат айтылды.

Балаларды ұрып-соғып, пышақпен жарақаттаған ер адам олардың анасының көңілдесі болып шықты. Бұл ақпаратты ауыл әкімдігі жариялады.

Әйел еш жерде жұмыс істемейді. Таран ауылына көшіп келген отбасы. Ал балаларды ұрып-соққан ер адам әйелдің келіп-кетіп, араласып тұратын көңілдесі болған, отбасының танысы, - дейді Таран ауылдық округінің әкімі Шыңғыс Бабагелдиев.

Әкімнің айтуынша, қазір балалардың шешесі Ұзынағаштағы полиция бөліміне кеткен.

Күдікті – 2007 жылы 8 жылға сотталып, жазасын өтеп шыққан адам.