Құқық қорғау органдарының бұрынғы екі қызметкері арнайы топ мүшелерін бопсалап, пара алғаны үшін кінәлі деп танылды.

Шымкент қаласының қылмыстық істер жөніндегі ауданаралық соты ішкі істер органдарында тергеуші болған 35 және 22 жастағы ер адамдарға қатысты үкім шығарды.

Соттың мәліметінше, тәртіп сақшылары 2023 жылдың соңында Шымкенттен тараған порнографиялық мазмұндағы видеоларды анықтаған. Жергілікті тұрғын – жас қыз желідегі клиенттерге ақылы стриптиз ұйымдастыру үшін веб-арнаны пайдаланған.

Полицейлерге қыздың қайда екенін, кім екенін анықтау қиынға соқпады. Полиция онымен байланысып, бөлімшеде әңгімелесті. Бұл жерде оған 5 мың АҚШ долларын бөліспесе, барлық видео ата-анасына жіберілетінін тікелей айтқан. Қыз ақшаны бөліп беруге уәде берді. Бірнеше күннен кейін ол полиция кеңсесіне 300 мың теңгені әкелген. Құқық қорғау қызметкерлері ақшаны алып жатқан кезде оларды Антикор қызметкерлері ұстаған, - делінген сот хабарламасында.

Ер адамдардың кінәсі толығымен дәлелденді. Олардың өздері де бәрін мойындап, кешірім сұраған.

Сот бұрынғы полицейлерді Қылмыстық кодекстің 366-бабы 3-бөлігі 1, 2-тармақтары бойынша кінәлі деп тапты. Сондай-ақ пара сомасының 3 еселенген мөлшерінде айыппұл төлеуге үкім шығарды. Осылайша, полицейлердің әрқайсысы 10 500 000 теңгеден төлеуге міндеттелді.

Ешкім бұл шешімге шағымданбаған. Үкім заңды күшіне енді.