Өскемен тұрғыны үйінде есірткі өсірген (ВИДЕО)
Күдікті жарық шамдарын, тұқымдар мен топырақ салынған жер құмыраларын пайдаланған
Фото: polisia.kz
Өскеменде өз үйінде есірткі өсірумен айналысқан ер адам ұсталды.
Polisia.kz-тің хабарлауынша, есірткі өсіру үшін ер адам жарық шамдарын, тұқымдар мен топырақ салынған жер құмыраларын және басқа да керек-жарақтарды пайдаланған. Жедел-іздестіру іс-шарасы кезінде полицейлер Өскеменнің 53 жастағы тұрғынын ұстады. Оның үйінен 14 өсімдік бұтасын, 140 грамм кептірілген марихуана мен 37 грамға жуық гашиш есірткі заты табылып, тәркіленді.
ҚР ҚК-нің 300-бабы және 296-бабы 3-бөлігімен сотқа дейінгі тергеу басталды.
