Қостанай полицейлері Ресей азаматының өмірін аман алып қалды, деп хабарлады Halyq Uni тілшісі.

Полиция қызметкерлерінің мәліметінше, 6 желтоқсанда таңғы сағат 4 шамасында «102» пультіне Қобыланды батыр мекенжайы бойынша туыстар арасында жанжал болғандығы туралы шақырту түскен. Оқиға орнына келген полиция қызметкерлері Ресей Федерациясының 62 жастағы азаматының Қостанайдағы туыстарына келгенін анықтады. Кейін олардың арасында төбелес болған. Содан кейін ол көшеге шығып, жартылай киінген күйінде белгісіз бағытқа кеткен. Қызметкерлер жоғалған адамды іздеу үшін дереу шаралар қабылдады.

Ауданды аралағаннан кейін біз адамды таппадық. Қатты аязда далада, бөтен қалада киімсіз адам қатып қалуы мүмкін. Сондықтан біз оны табуға барынша күш салдық. Шамамен бір сағаттан кейін кезекші бөлімнен белгісіз ер адам Тобыл өзенінің маңындағы жеке сектордағы үйлердің бірінің есігін қақты деген қоңырау түсті. Белгілер жоғалған шетелдіктің сипаттамасына сәйкес келді, – деп атап өтті полиция қызметкері Мұрат Иманбаев.

Шамамен орналасқан жеріне барған полицейлер жалаңаш аяқтың іздерін байқаған. Ізімен барғанда ер адам үйлердің бірінен табылды. Ол қатты тоңып-жаураған. Полицейлер жедел жәрдем шақырып, ол келгенге дейін алғашқы медициналық көмек көрсетті. Тексеруден кейін жәбірленуші туыстарына жеткізілді.

Ресейлік азамат полицейлерге уақтылы көмек көрсеткені үшін алғыс айтты.