Ақмола облысында алимент бойынша борышкерлерге қатысты 28 қылмыстық іс тіркелді, деп хабарлады Halyq Uni тілшісі.

Жыл басынан бері жүргізілген жұмыстың нәтижесінде прокуратураның үйлестіру шараларымен алимент төлеу жөніндегі міндеттерді атқармайтын 28 борышкерге қатысты қылмыстық істер тіркеліп, оның ішінде 8 борышкерге айыптау үкімдері шығарылды. Бүгінде сотқа дейінгі тергеп-тексеру органдарының өндірісінде тағы 5 қылмыстық іс жатыр.

Сонымен қатар, Әкімшілік құқықбұзушылық туралы Кодекстің 669-бабы бойынша алимент өндіріп алу туралы сот шешімін орындамағаны үшін 100-ден астам борышкер әкімшілік жауапкершілікке тартылды.

Биыл Ақмола облысы прокуратурасының шараларымен 600 млн тенгеден астам алимент өндірілген.