№51 Алматы – Орал (тальго) жолаушылар пойызы 9 желтоқсан түнде техникалық себепке байланысты тоқтатылды. Бұл туралы «Жолаушылар тасымалы» баспасөз қызметі хабарлады.

Ақауды жөндегеннен кейін Тобыл станциясынан 6 сағатқа кешігіп жөнелтілді.

Жолаушыларға тегін ыстық тамақ ұйымдастырылды. Компания жолаушылардан қолайсыздықтар үшін кешірім сұрайды, сондай-ақ Жолаушыларды, багажды, жүк-багажды және пошта жөнелтілімдерін темір жол көлігімен тасымалдау қағидаларына сәйкес жолаушыларға ақшалай қаражатты қайтару және өтемақы төлеу жөнінде шаралар жүргізілетінін хабарлайды:

• Пойызда жүруден бас тартқандар жол жүру құнын толық қайтарады;
• Жүру жолында пойызбен сапарлаудан бас тартқан жолаушыға жүріп өтпеген қашықтық үшін жол жүру құны төленеді;
•  Кешігудің әрбір толық сағаты үшін жолаушыларға 3% мөлшерінде өтемақы төленеді, бірақ жол жүру құнынан аспайды.

Өтемақыны «Жолаушылар тасымалы» АҚ билет кассаларынан алуға болады.