Шымкентте бір топ адам гүл дүкеніне шабуыл жасады. Әлеуметтік желіде олардың арасында Түркістан облысы прокурорының баласы да бар деген ақпарат тарады.

Әлеуметтік желіде тараған ақпарат бойынша, 8 тамызға қараған түні Шымкент қаласында Рысқұлов көшесі, 195 мекенжайы бойынша бір топ адам мас халде Romantic гүл дүкеніне кіріп, дүкен қызметкерлерін жазалаймыз деп қорқытқан.

Бұл бірінші жағдай емес. Флористті ұрып-соғып, гүл шоғын ұрлады. Ол – ОҚО (қазіргі Түркістан облысы, - ред.) прокурорының ұлы. Учаскелік бөлім заңбұзушылықты үнемі жабады. Алғашқы жағдай туралы мәлімдемеден кейін біздің қызметкерлерді ұрлады, гүл дүкенін жеке бастарына пайдаланды, - деп мәлімдеді дүкен директоры әлеуметтік желіде.

Ал Шымкент қалалық полиция департаменті тергеу басталғанын алға тартып отыр.

Тұран ауданының полиция басқармасы қабылданған шаралардың нәтижесінде бейнежазбада көрсетілген адамдарды анықтап, полицияға жеткізді. Алайда гүл сатушы кез келген мәлімдемеден бас тартты. Осыған қарамастан, полицейлер ҚР ӘҚБтК-нің 434-бабына сәйкес әкімшілік хаттама толтырды, - делінген ресми хабарламада.

Осы факті бойынша жиналған материалдар құқық бұзушыға қатысты шешім қабылдау үшін әкімшілік сотқа жіберіледі.