Жамбыл облысында 2 бала суға батып кетті
Сот-медициналық сараптама тағайындалды
Фото: atr.kz
Жамбыл облысында ата-анасының қарауынсыз қалған екі бала суға батып кетті, деп хабарлады Halyq Uni тілшісі.
Облыстық ТЖД баспасөз қызметінің мәліметінше, кеше сағат 18:00 шамасында Шу қаласында жергілікті тұрғын кәріз тазарту қондырғысынан 2013 жылы туған екі баланың денесін алып шыққан. Ересектердің қарауынсыз қалған балалардың ойнап жүріп, суға батып кеткені анықталды.
Сот-медициналық сараптама тағайындалды.
Ведомство өкілдері ересектерге балаларды қараусыз қалдырмауға және оларға қауіпсіздік ережелерін үйретуге кеңес береді.
