Астанада тұратын халық саны көбейді, соған байланысты тіркелген қылмыс саны да артқан. Бұл туралы қалалық полиция департаментінің бастығы Марат Төлебаев жүргізілген жұмыстар бойынша есеп беру кездесуінде мәлімдеді, деп хабарлайды Halyq Uni.

Ведомство басшысының айтуынша, елордадағы жағдай тұрақты деп бағаланған. Ресми статистика қаладағы демографиялық өсім, көші-қон процестері, анықталған құқық бұзушылықтарды тіркеу көрсеткіші 8,9 пайызға ұлғайғанын көрсетті. Дей тұрғанмен қалада адам басына шаққандағы бұзушылық саны сақталды. Қазір ол 10 мың тұрғынға шаққанда 123-ті көрсетеді.

Ресми ақпарат бойынша елордада кісі өлтіру, ауыр дене жарақатын салу, зорлау, тонаушылық, бұзақылық, пәтер тонау және қалта ұрлығы дерегі азайған. Сондай-ақ қылмыстың ашылу деңгейі де артқан.

Мәселен, 2022 жылы қалада бірқатар қылмыс ашылған. Іздеу жарияланған 280 адам ұсталды, із-түзсіз кеткен 208 адам табылды.

Айта кетейік, былтыр елімізде тұрмыстық зорлық-зомбылыққа байланысты тұрғындар полицияға 120 501 рет хабарласқан. Арасында хабарлама жібергендер де бар. Оның ішінде ең көп қоңырау Астана – 11 302, Алматы қаласы –11 161 және Қарағанды облысының – 9 963 тұрғынынан түскен.

Соған байланысты министрлік «Қазақстан Республикасының кейбір заңнамалық актілеріне отбасы институтын нығайту мәселелері бойынша өзгерістер мен толықтырулар енгізу туралы» заң жобасын парламент қарауына ұсынған. Бұл заңға сәйкес тұрмыстық зорлық-зомбылық әрекетінен кейін сотқа дейін істің тоқтатылуы және жәбірленушінің арыз жазбауына қатысты өзгерістер енеді. Демек, учаскелік полиция инспекторлары жәбірленуші арыз жазбаса да қорғау нұсқамасын шығаруға мүмкіндік алады. министрлік мұны тұрмыстық зорлық-зомбылық құрбанының отбасылық бұзақының психологиялық қысымына ұшырайтынымен және кейіннен өз өмірі мен отбасы мүшелерінен қорқып, жәбірленуші арыздан және оны одан әрі талқылаудан бас тартатынымен байланыстырды.

Сондай-ақ полиция департаментінің бастығы желіде адамдарды алдап-соғу мәселесі әлі де өзекті болып тұрғанына тоқталды. 2022 жылдың қорытындысына сәйкес, интернет-алаяқтарды анықтау бойынша жұмыс қарқынды жүргізілді. Нәтижесінде 469 хабарлама мен заңсыз интернет-ресурс бұғатқа қойылу үшін анықталды. Оның ішінде 194-і бұғатталды, 89 адам мен 3 топ қолға түсті.

Қалада қылмыстармен күрестің басым бағыттарының бірі – есірткіге, есірткі бизнесіне қарсы күрес. 2022 жылы 214 есірткі қылмысы анықталған, оның ішінде 171 дерек бойынша есірткі өткізбек болғандар анықталды.

257 келіден астам есірткінің бірнеше түрі және 5 есе көп синтетикалық заттар тәркіленді, - делінген ресми ақпаратта.

Айта кетейік, бір жылда 4 есірткі зертханасының қызметі тоқтатылды, 75 есірткі сайты бұғатталды. Есірткіні насихаттау әрекеті бойынша 16 қылмыстық іс қозғалды.

Сондай-ақ «Астана – есірткісіз қала 2022-2025 жылдарға арналған» бағдарламасы іске асырылып жатыр. Ол жерде есірткі қылмысына қарсы іс-қимылды күшейту бойынша бірқатар іс-шаралар көзделген. Елордалық полиция бастығының сөзінше, полиция департаменті қоғамдық тәртіпті сақтау және азаматтардың қауіпсіздігін қамтамасыз етуге басымдық беріп отыр.

Елордадағы криминогендік жағдайға ойын-сауық және ойын-сауық мекемелері айтарлықтай әсер етеді. Қалада «102» нөміріне ойын-сауық орталықтары мен азаматтардың тыныштығын бұзу бойынша 730 мың шағым түскен. Бір жылда 333 сауда орны мен ойын-сауық мекемесінің лицензиясы тоқтатылды. Ішінде 24 мекеме жұмыс істеу құқығынан айырылды.

Полиция осы мәселені шешу үшін «Атамекен» кәсіпкерлер палатасы мен «Астана Инновейшн» компаниясымен бірлесіп, ойын-сауық мекемелерінің қауіпсіздік рейтингісін дайындады. Ол тестілеу режимінде «Смарт Астана» мобильді қосымшасында іске қосылды.

Полиция ведомствосының басшысы жол апатына да тоқталды. Айтуынша, қалада қабылданған шараларға қарамастан, жолдардағы жағдай күрделі. Жол-көлік оқиғасының салдарынан болатын қайтыс болған адамдар саны 20 пайызға төмендеді.

«Қорғау» қосымшасы енгізілген сәттен бастап жалған мемлекеттік нөмірлері бар 98 жүргізуші анықталды, 1 141-і құқықтары жоқ және 244-і басқару құқығынан айырылған. Коммуналдық тұраққа 903 автокөлік қамалды.

Сыбайлас жемқорлыққа қарсы іс-қимыл және сыбайлас жемқорлық тәуекелдерін азайту мақсатында «Integrity check» жобасы іске асырылып жатыр.