Атақты футболшы Зинедин Зидан «Формула-1» спортында команда ұсынатын Alpine брендінің елшісі болды.

Бұл туралы биылғы «Формула-1» маусымына арналған «Alpin» командасының жаңа көлігінің тұсаукесерінде айтылды.

50 жастағы спортшы футболдағы мансабында Францияның ұлттық құрамасының сапында 1998 жылғы әлем чемпионы болды. Ойыншы ретінде Зидан екі рет Италия және Испания чемпионы атанса, Чемпиондар лигасы мен УЕФА Суперкубогын екі рет жеңіп алған.

Зидан 1998 жылы «Алтын доптың» иегері атанды. Жаттықтырушы ретінде ол Мадридтің «Реал» клубын басқарған кезде екі рет Ла Лигада, үш рет Чемпиондар лигасында жеңіске жетіп, екі рет УЕФА суперкубогының иегері болып, клубтар арасындағы әлем чемпионы атанды.