Ұлттық статистика бюросының мәліметінше, биылғы жылдың 11 айында елімізде 369 140 бала дүниеге келген.

Жалпы, алғашқы баласын дүниеге әкелетіндердің орташа жасы – 20-21. Ал екінші баласын дүниеге әкелетіндердің орташа жасы 40-қа дейін ұлғайған.

Өңірлер арасында жоғарғы туу көрсеткіші, яғни жалпы туу коэфиценті Шымкент қаласы мен Түркістан, Маңғыстау облыстарында жоғары. Ең төмен көрсеткіш Солтүстік Қазақстан, Ақмола, Павлодар облыстарында, - деді Ұлттық статистика бюросының бас сарапшысы Қайыр Рысбаев.

Сондай-ақ сарапшылар 2022 жылғы ең танымал есімдерді жариялады. Ерлі-зайыптылар жаңа туған ұлдарына Әлихан, Айсұлтан, Алдияр, Омар, Әмір деген есімдерді қойған. Ал қыздарға таңдалғандардың қатарында Медина, Айша, Айлин, Асылым және Томирис есімдері көбірек.